Дарвозабон Кейлор Навас ва ҳужумчи Анхель Ди Мария "ПСЖ" умумий гуруҳида машғулотларга қайтишди, деб хабар беради L'Equipe.
Навас парижликларнинг сўнгги учта ўйинини, Ди Мария тўртта ўйинни жароҳати сабаб ўтказиб юборди. Тахминларга кўра, дарвозабон Франция чемпионатининг 32-туридан ўрин олган “Марсел”га қарши ўйинда рўйхатга киритилмайди, ҳужумчи эса ҳеч бўлмаганда захирадан ўрин олиши керак.
2021/22 йилги мавсумда Навас "ПСЖ" сафида 22 та ўйинда майдонга тушиб, 21 та гол ўтказиб юборган ва 8 та ўйинда "нол"га ўйнаган. Ди Мария 25 ўйинда 3 гол ва 5 голга ассистентлик қилган.
"ПСЖ" - "Марсел" учрашуви эртага, 17 апрел куни бўлиб ўтади.
