“Интер”нинг аргентиналик ҳужумчиси Лаутаро Мартинес журналистлар билан суҳбатда Италия матбуотида ўзи ҳақида ёзилаётган миш-мишлар ёқмаслигини айтди.
Лаутаронинг айтишича, у бор эътиборини ўйинга қаратишга ҳаракат қилади. Бошқалар ўзи ҳақида нима деяётганига ва нима ёзаётганига эътибор бермайди. Мартинеснинг таъкидлашича, матбуот уни "Интер"ни тарк этиши мумкинлиги ҳақида доимо ёзиши унга ёқмайди.
Эслатиб ўтамиз, жорий мавсумда Лаутаро Мартинес Италия чемпионатида 29та ўйинда майдонга тушиб, 15та гол ва 3та голга ассистентлик қилган.
