"Лацио" ҳужумчиси Чиро Иммобиле Италия футболининг тўпурарлар рекордини янгилашда давом этмоқда.

32 ёшли Рим клуби ҳужумчиси А Сериянинг сўнгги мавсумларда 25 ва ундан ортиқ гол урган биринчи италиялик футболчи бўлди. Илгари буни фақат хорижликлар - венгериялик Истван Ньерш (1950-йилларда "Интер" билан) ва швед Гуннар Нордал (1940-1950-йилларда "Милан" билан) уддалашди.

Иммобиле бугунги “Торино” билан ўйинда (1:1) жорий А Сериядаги 25-голини киритди. Аввалроқ у 2019/20 (36 гол) ва 2017/18 (29 гол) мавсумларида 25+ гол урган. Умуман олганда, Чиро Италия чемпионатининг 288 ўйинида 180 марта рақиб киперларини ҳафа қилишни уддалаган.