"Ливерпул" "Абердин" ҳимоячиси Калвин Рэмсига қизиқиш билдирмоқда, деб хабар беради The Sun.
Манбага кўра, мерсисайдликлар 18 ёшли шотландиялик футболчини Трент Александр-Арнольднинг ўринбосари сифатида кўрмоқда. Агар “Ливерпуль” Рэмси билан шартнома имзоласа, ҳозирда “Фулхэм”да ижара асосида ўйнаётган Неко Уильямс жамоани тарк этиши мумкин.
2021/22 йилги мавсумда Рэмси “Абердин” сафида 31 та ўйинда майдонга тушиб, 1 та гол урди ва 9 та голли узатмани амалга оширди. Transfermarkt.com портали футболчининг нархини 600 минг еврога баҳоламоқда.
