«Лацио» ярим ҳимоячиси Сергей Милинкович-Савич «Манчестер Юнайтед» раҳбариятининг қизиқиш доирасига тушиб қолди. Il Tempo нашрининг хабар беришича, футболчи манкунианликлардан таклиф олган ва у аллақачон инглиз клуби раҳбарларига жавоб қайтарган.
Манбага кўра, Милинкович-Савич «қизил иблислар»га рад жавобини берган. 27 ёшли серб Чемпионлар лигасига чиқа олмайдиган клубда ўйнашни истамаяпти.
Катта эҳтимол билан футболчи «ПСЖ» билан шартнома имзолайди. Парижликлар ярим ҳимоячи учун 75 миллион евро тўлашга тайёр.
