«Севилья» ярим ҳимоячиси Иван Ракитич жамоасининг Ла Лига доирасидаги «Реал»дан учралган мағлубияти (2:3) ҳақида фикр билдирди.
«Жуда хафа бўлдик. «Реал»га озгина бўлса-да имкон берсангиз, улар вазиятдан тезда фойдаланишади. Биринчи бўлимни ажойиб ўтказдик. Биз жуда афсусдамиз, чунки бугунги ўйинда ғалаба қозониш учун етарлича ҳаракат қилдик. Винисиуснинг голи ҳақли равишда бекор қилинди, Камавинга майдондан четлатилиши керак эди. Қисқаси, бугун ҳакам бизга қарши ўйин қилди», - дея фикп билдиради хорват футболчиси.
Ракитич 21-дақиқада ўйиндаги биринчи гол муаллифига айланди. 50-дақиқагача «Севилья» 2:0 ҳисобида олдинда бораётган бўлса, кейинчали Родриго ва Начо, ҳамда 92-дақиқада Карим Бенземанинг ғалаба келтирган голи эвазига уч очкога эга бўлди.
