Ўзбекистон терма жамоаси ва «Нижний Новгород» клуби ҳимоячиси Иброҳимхалил Йўлдошев жамоаси билан шартнома узайтириш борасида келишиб олди.
Бу ҳақда «Матч ТВ» нашри хабар берди. Манбага кўра, футболчи ва клуб ўртасидаги янги келишув узоқ муддатли ҳисобланади. Яқин вақт ичида шартномасининг узайтирилиши расман эълон қилинади.
Эслатиб ўтамиз, бир неча кун аввал ОАВда Москванинг «Спартак» клубидан Йўлдошевга қизиқиш билдирилгани ҳақида маълумот пайдо бўлганди.
Жорий мавсумда 21 ёшли ўзбекистонлик ҳимоячи «Нижний Новгород» сафида 19 та ўйинда майдонга тушиб, 1 та гол ва 2 та голли узатмани амалга оширган. Унинг трансфер нархи 800 минг еврога баҳоланмоқда.
