Diario Sport нашрининг хабар беришича, декабрь ойидан бери майдонга туша олмаётган ва оёғидан операцияси бўлган «Барселона» марказий ҳимоячиси Самуэль Умтити «Лион»га қайтиши мумкин. Франциялик футболчи Хавининг режаларига киритилмаган, Каталония клуби раҳбарияти эса анчадан буён французни сотиш ҳақида ўйламоқда. Январь ойида Умтити «Барса» билан шартномасини 2026 йилга қадар узайтирди ва қийин молиявий аҳволда клубга ёрдам бериш учун маошини қисқартирди. Аммо ёзда футболчи яна трансферга қўйилади.

Шунингдек, «Лион» яна иккита собиқ ўйинчиси: «Арсенал» ҳужумчиси Александр Ляказетт ва ёзда «Бавария» билан шартномаси тугайдиган ярим ҳимоячи Корентин Толиссони ҳам қайтариш вариантини кўриб чиқмоқда.