Мюнхеннинг «Бавария» клуби ҳужумчиси Томас Мюллер Роберт Левандовскини «немис машинаси» билан янги шартнома имзолашга чақирди. Олдинроқ польяк «Барселона»га ўтиши мумкинлиги ҳақида хабарлар тарқалган эди.
«Роберт шартномани узайтирадими ёки йўқми, билмайман. Менда на ундан, на «Бавария»дан шартнома борасида эшитганим йўқ. Агар футболчингиз йилига 30-40 та гол урса, жамоа билан яхши муносабатда бўлса шартномани узайтириш керак», - деди Мюллер Sport1 нашрига.
Роберт Левандовски ва «Бавария» ўртасидаги амалдаги келишув 2023 йилнинг 30 июнида тугайди. Аввалроқ, клуб бош директори бўлган Оливер Кан Левандовски билан янги шартнома шартлари бўйича музокара олиб боришга уринишлари ҳақида хабар берганди.
