Calciomercato нашри хабарига кўра, Лондоннинг "Арсенал" клуби ёзда "Реал" ярим ҳимоячиси Марко Асенсиони сотиб олиш учун асосий даъвогар ҳисобланади.
Манба берган хабарга кўра, испаниялик вингерга яна бир давогар "Милан" 26 ёшли футболчининг молиявий талаблари юқори бўлгани учун трансферни шошилтирмасликка қарор қилган.
Юқоридаги клублардан ташқари Асенсиога “Ювентус” ва “Тоттенхэм” клублари қизиқиш билдирган эди.
Ярим ҳимоячи жорий мавсумда “Реал” сафида 35 та ўйинда майдонга тушиб, 10 та гол урди ва 1 та голга ассистентлик қилди. Испаниялик футболчининг "Қироллик клуби" билан шартномаси 2023 йилнинг ёзига қадар амал қилади. Transfermarkt Асенсиони 40 миллион еврога баҳоламоқда.
