Бугун Ла Лиганинг 33-туридан ўрин олган учрашувда «Бетис» ўз майдонида «Эльче»га ютқазди - 0:1.
«Бетис»нинг 40 ёшли тажрибали футболчиси Хоакин Санчес 58-дақиқада захирадан майдонга тушди, аммо жамоага ёрдам бера олмади.
Санчес учун бу мағлубият Испания чемпионатидаги фаолияти давомидаучралган 200-мағлубият бўлди. Бу турнирнинг антирекорди ҳисобланади. Ла Лигада энг кўп мағлуб бўлган иккинчи ўйинчи Хосе Рамон Эснаола ҳисобланади - 178 та.
Умуман олганда, Хоакин Ла Лигада 596 та ўйин ўтказган - 240 ғалаба, 156 дуранг ва 200 мағлубият.
