«Вильярреал» ҳимоячиси Пау Торресга «Манчестер Юнайтед» қизиқиш билдирмоқда, деб хабар беради Daily Mail нашри.
Манба берган хабарга кўра, футболчи Чемпионлар лигасидаги ўйини билан инглиз клуби раҳбариятини ҳайратда қолдирган. Манчестер клуби ўз ҳимоясини кучайтириши керак, шунинг учун Торреснинг шартномаси 2024 йилгача тузилган бўлса-да, уни товон пулида кўрсатилган 60,5 миллион еврога сотиб олиши мумкин.
25 ёшли испаниялик футболчи «Вильярреал» тарбияланувчиси ҳисобланади. Жорий мавсумда у клуб сафида барча турнирларда 40 та ўйинда майдонга тушиб, 5 та гол уришга эришди. Футболчининг Трансфермарктдаги нархи 50 млн еврони ташкил қилади.
