«Манчестер Юнайтед»нинг собиқ ҳимоячиси Гари Невиллнинг фикрича, Пол Погба бошқа «қизил иблислар» либосида майдонга тушмайди.

29 ёшли франциялик футболчи «Ливерпул»га қарши ўйиннинг (0:4) 10-дақиқасидаёқ жароҳат олгани учун захирага олинганди.

«Тахминимча, бу Пол Погбанинг «Манчестер Юнайтед» таркибидаги сўнгги дақиқалари эди. Жароҳати туфайли у бир неча ҳафта майдонга туша олмайди”, - деди Невилл.

Эслатиб ўтамиз, Погбанинг «Манчестер Юнайтед» билан шартномаси июнь ойида якунига этади. Шартнома узайтирилиши даргумон, шунинг учун ярим ҳимоячининг эркин агентга айланиш эҳтимоли юқори. Уни қўлга киритиш учун асосий даъвогар франциялик «ПСЖ» бўлиб турибди.