"Норвич Сити" ҳужумчи Темми Пукки билан шартномани узайтирди, дея хабар беради журналист Фабрицио Романо.
32 ёшли финнинг шартномасида шартномани яна бир йилга узайтириш варианти бор эди, клуб бундан унумли фойдаланган. Энди футболчининг шартномаси 2023 йилнинг ёзига қадар мўлжалланган.
Пукки бу мавсумда "Норвич"нинг энг яхши тўпурари ҳисобланади. У Премьер-лигада 31 та ўйинда 10 та гол урган.
Шу билан бирга, клуб турнир жадвалида охирги ўринни эгаллаб турибди ва чемпионшипга тушиб кетиш эҳтимоли юқори.
