"Барселона" мураббийи Хави Эрнандес дарвозабон Марк-Андре тер Штеген билан муносабатлари ҳақида гапирди.

"Тер Штеген мен учун жуда муҳим. У етакчи, ўйинни оёқлари билан бошқара олади. Менимча, у дунёнинг энг зўр дарвозабонларидан бири", - дея тан олди “кўк-анорранглилар” бош мураббийи.

Нуфузли инсайдер журналист Фабрицио Романо таъкидлаганидек, "Барселона" келаси мавсумда Тер Штегенга ишонишда давом этади. Хави 29 ёшли германиялик дарвозабоннинг қобилиятига ҳеч қачон шубҳа қилмаган ва шу кунгача уни лойиҳанинг асосий қисми деб билишда давом этмоқда.

Марк-Андре тер Штегеннинг "Барселона" билан шартномаси 2025 йилгача амал қилади. Жорий мавсумда у жамоага қарши 44 та ўйин ўтказиб, 52 та гол ўтказиб юборган.