"Манчестер Юнайтед" жамоаси сардори ва ҳимоячиси Харри Магуайр ёзда бошқа клубга ўтиши мумкин. Бу ҳақида Todofichajes нашри клубга яқин манбаларга таяниб хабар берди.

Маълумотларга кўра, "Ньюкасл" Магуайрни ёзги трансфер ойнасида ўз сафига қўшиб олмоқчи ва у учун 40 миллион евродан кечишга тайёр.

Қайд этиш жоиз, 29 ёшли Англия терма жамоаси аъзосининг "қизил иблислар" билан амалдаги шартномаси 2025 йилнинг июнь ойи охиригача тузилган. У жорий мавсум барча турнирларда 35 та ўйинда майдонга тушиб, 2 та гол урди.

Эслатиб ўтамиз, "МЮ" Магуайрни 2019 йилнинг ёзида "Лестер"дан 50 миллион евро эвазига харид қилган эди.