Ўзбекистон Олий лигасининг 7-туридан ўрин олган "Насаф"-"Қизилқум" учрашувидан олдин ҳар иккала муррабийлар ҳам ўз фиклари билан ўртоқлашдилар. Дастлаб, меҳмонлар бош муррабийси Равшан Ҳайдаров сўзга чиқган бўлса, ундан кейин мезбонлар муррабийи Рўзиқул Бердиев саволларга жавоб бериб ўтди.
Рўзиқул Бердиев: — Ўйинга яхши тайёргарлик кўрдик. “Қизилқум” яхши шаклланган жамоа, йигитларида иштиёқ кучли. Рақибни бир неча ўтказган учрашувларини томоша қилдим. “Қизилқум” менда яхши таассурот қолдирди. Биз ўтган турда Муборакда икки очкони қўлдан чиқаргандик. Бу турда ғалаба қозонишимиз шарт. Ўйлайманки, эртага жуда қизиқарли баҳсга гувоҳ бўламиз.
- Жамоа куни кеча - узоқ парвоздан сўнг Ўзбекистонга етиб келди. Бу футболчиларга салбий таъсир қилмайдими?
- Тўғри, бу футболчиларга бироз қийинчилик туғдириши мумкин. Аммо йигитлар ўйинга яхши тайёргарлиш кўра олишди. “Ал-Жазийра”га қарши учрашувда бир қатор етакчи футболчиларимизга дам бергандик.
- Жамоа сафида йўқотишлар йўқми?
- Фақатгина Эркин Бойдуллаевни жароҳати бор. Қолган футболчиларимизнинг хизматидан фойдалансак бўлади.
