Миржалол Қосимов апрель ойининг энг яхши мураббийи деб топилди

Ўзбекистон футбол федерацияси оммавий ахборот воситалари овозига кўра апрель ойининг энг яхши мураббийини эълон қилади.

Апрель ойи ҳисобидан Олий лигада 4та ўйин ўтказиб, шунча очко йўқотган Миржалол Қосимов ОАВ овозига кўра қолган касбдошларидан кўпроқ овоз тўплади. 8та ОАВдан 6таси Миржалол Қосимовни қўллаб-қувватлаган. Шулардан 3таси мутахассисни 1-ўринда кўрсатиб ўтган. Натижада Миржалол Қосимов энг яқин таъқибчиси Деян Журжевични бор йўғи 1 очкога ортда қолдирди.

Қайд этиш керак, Миржалол Қосимов шогирдлари апрель ойида Олий лигада «Шўртан» (3:0), «Навбаҳор» (1:2), «Локомотив» (1:1) ва «Металлург» (3:1) клубларига қарши ўйинларда иштирок этишди. Шунингдек «Бунёдкор» Осиё чемпионлар лигасининг апрель ойига тайин қилинган 2та ўйинда иштирок этиб, 1та ғалаба ва 1та мағлубият қайд этди. Осакада «Гамба»дан 1:3 ҳисобида енгилган «қалдирғочлар», «Жар» стадионидаги жавоб ўйинида 3:2 ҳисобида зафар қучиб, 2-ўринга кўтарилиб олишди. Маълумот ўрнида айтиш керакки, ҳозирга қадар Ўзбекистон клублари кунчиқар юрт жамоаларига қарши майдонга тушмаганди. Миржалол Қосимов бу борада Япония клубини маҳф этган илк ўзбекистонлик мутахассис сифатида тарихга кирди.

Март ойи якунларига кўра Миржалол Қосимов билан бир ҳил очко тўплаган ва фақатгина 1-ўринда нисбатан кам кўрсатилгани учун мағлуб бўлган «Шўртан» мураббийи Игорь Криушенко апрель ойида ўзини кўрсата олмади. Олий лигада ўтказилган 4та ўйинда беларуслик мутахассис Миржалол Қосимовдан икки баробар кўп очко йўқотди.

Аксинча, «Пахтакор» бош мураббийи Деян Журжевич апрель ойи ҳисобидан Миржалол Қосимовга етарлича қаршилик кўрсатди. «Пахтакор» Осиё чемпионлар лигасининг жорий мавсумида 2 марта зафар қучган бўлса, ҳар иккала ўйин ҳам апрелда бўлиб ўтгани эътиборга молик. Ҳозирча «пахтакорчилар» фақатгина Қатарнинг «Ал-Араби» клубини мағлуб этишнинг уддасидан чиқишган холос. Шунингдек «Пахтакор» Олий лигада апрель ойи ҳисобидан 3та ўйинда иштирок этиб, 4 очко бой берди: «Динамо» (1:0), «Насаф» (0:0) ва «Локомотив» (1:1).

Эслатиб ўтиш лозим, январь ва февраль ойи якунларига кўра Ўзбекистон миллий терма жамоаси бош мураббийи Вадим Абрамов энг яхши деб топилган бўлса, март ва апрель ойларида Миржалол Қосимовга тенг келадигани топилмади.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

Миржалол Қосимов апрель ойининг энг яхши мураббийи деб топилди

ЭНГ КЎП ЎҚИЛГАН ЯНГИЛИКЛАР