«Аталанта» бош мураббийи Жан Пьеро Гасперини келаси мавсумда еврокубокларсиз қолиши мумкинлигига қарамай, жамоада қоладиган бўлди. Гасперинини клуб директори Умберто Марино жиддий қўллаб-қувватламоқда.
Марино Гасперинига ишонишини ва унинг клубдаги мавқеига шубҳа йўқлигини айтди. Жамоа директорининг сўзларига кўра, жамоа вектори ўзгаришсиз қолади ва жамоа Гасперини берган йўналиш бўйича ҳаракат қилади.
«Аталанта» 33 ўйиндан сўнг 54 очко жамғариб, Италия чемпионати турнир жадвалида 8-ўринда бормоқда. Жамоа еврокубок зонасидан икки очко ортда қолмоқда.
