«Atalanta» bosh murabbiyi Jan Pyero Gasperini kelasi mavsumda yevrokuboklarsiz qolishi mumkinligiga qaramay, jamoada qoladigan bo‘ldi. Gasperinini klub direktori Umberto Marino jiddiy qo‘llab-quvvatlamoqda.

Marino Gasperiniga ishonishini va uning klubdagi mavqeiga shubha yo‘qligini aytdi. Jamoa direktorining so‘zlariga ko‘ra, jamoa vektori o‘zgarishsiz qoladi va jamoa Gasperini bergan yo‘nalish bo‘yicha harakat qiladi.

«Atalanta» 33 o‘yindan so‘ng 54 ochko jamg‘arib, Italiya chempionati turnir jadvalida 8-o‘rinda bormoqda. Jamoa yevrokubok zonasidan ikki ochko ortda qolmoqda.