Италиянинг «Болонья» клуби ярим ҳимоячиси Гари Медель ўзига қўлланган дисквалификацияни бекор қилишга эришди.
Эртага чилилик футболчи собиқ жамоаси «Интер»га қарши ўйнашга тайёр бўлади.
Эслатиб ўтамиз, аввалроқ Медель «Болонья»нинг «Ювентус»га қарши сафардаги ўйинида тўғридан-тўғри қизил карточка олган эди.
Футболчи ҳакамнинг жамоадошини четлатиш ҳақидаги қарорига ҳаддан ташқари шафқатсиз муносабат билдиргани учун майдонни тарк этди.
«Ювентус»га қарши ўйиндан сўнг «Болонья» футболчисининг дисквалификациясини бекор қилиш ёки қисқартиришни сўраб, шикоят ёзди.
