Каталониянинг "Барселона" клуби ҳимоячиси Карлес Пуйольнинг Европа чемпионатида иштирок этиши сўроқ остида тургани борасида хабар бериб ўтгандик. Клуб расмий сайтининг хабарига кўра, футболчи олти ҳафта мобайнида майдонга туша олмайдиган бўлди.
Гап шундаки, футболчи Испания чемпионатининг "Эспаньол"га қарши учрашувида тиззасидан жароҳат олганди. Тиббий текширувлардан кейин футболчи жарроҳлик столига ётиши зарурлиги маълум бўлди. 12 май куни Пуйоль операция қилинади.
Бу эса футболчининг нафақат Испания кубоги финалида майдонга туша олмаслигини билдиради, балки у энди ҳақиқатан ҳам ЕВРО-2012 мусобақаларини ўтказиб юборади.













