Ўзбекистон олий лигасининг 7-туридан ўрин олган сўнгги учрашув ҳам ўз якунига етди. Мамлакат чемпиони "Бунёдкор" Бухорога сафар уюштирди ва мезбонлари йирик ҳисобда мағлубиятга учратди.

Ўйиннинг илк дақиқалариданоқ ташаббусни ўз қўлига олган "Қалдирғочлар" тезкор гол уришга эриша олдилар. Бухорликлар ҳимоячиси Тарасенко ўз жамоаси дарвозасини ишғол қилиб қўйди - 0:1.

Шундан кейин ўйин тўлалигича "Бунёдкор" футболчилари измига ўтди. 32-дақиқада Виктор Карпенко ҳисобни о:2 кўринишига олиб келди.
Иккинчи бўлимда Акмал Шорахмедов ҳамда Руслан Мелзиддинов томонидан киритилган голлардан сўнг табло 0:4 кўринишига келди.

Ушбу ғалабадан сўнг "Қалдирғочлар" 14 очко билан турнир жадвалининг биринчи ўрнига кўтарилиб олишди.

Қаршининг "Насаф" клубида ҳам шунча очко бор. Тўплар нисбати ҳам бир хил - +9. Фақатгина "Бунёдкор"нинг киритган голлари сони кўпроқ бўлгани учун, биринчи ўринга жойлашдилар. Қаршиликларда ҳали заҳирасида битта ўйин ҳам мавжудлигини таъкидлаш лозим.

БУХОРО — БУНЁДКОР 0:4 (0:2)
Голлар: Александр Тарасенко (3-автогол), Виктор Карпенко (32), Акмал Шораҳметов (66), Руслан Мельзиддинов (72)
Бухоро: 35. Юрий Цой, 2. Акмал Рустамов, 3. Бобуржон Омонов, 5. Георгий Квесиешвили, 10. Алишер Саноев, 14. Воҳид Шодиев, 17. Отабек Нарзуллаев, 18. Александр Тарасенко, 19. Жасур Ҳасанов, 21. Михаил Какиладзе, 22. Нодиржон Жўраев
Бунёдкор: 1. Игнатий Нестеров, 2. Акмал Шораҳметов, 4. Хайрулла Каримов, 6. Анвар Ғофуров 8. Жавлон Иброхимов, 10. Шавкат Саломов, 13. Лутфулла Тўраев, 16. Артём Филипосян, 20. Анваржон Солиев, 22. Виктор Карпенко, 33. Ян Козак