“Манчестер Юнайтед” бош мураббийи Ральф Рангник Австрия терма жамоаси бош мураббийи этиб тайинланишига яқин турибди. Бу ҳақида Goal портали хабар берди.
Манбага кўра, 63 ёшли германиялик мутахассис Австрия футбол иттифоқи билан ҳамкорлик қилишга рози бўлди.
29 апрель, жума куни федерация раҳбари Герхард Миллетич ташкилот раҳбарларига Рангник номзодини тақдим этади ва мураббий тайинланиши ҳам шу куни эълон қилиниши мумкин.
Эслатиб ўтамиз, келаси мавсумдан бошлаб "Манчестер Юнайтед"ни ҳозирда "Аякс"да фаолият олиб бораётган Эрик тен Хаг бошқаради.
