"Вест Хэм" клубининг собиқ ҳимоячиси Антон Фердинанд жамоа вице-сардори Деклан Райсни "Манчестер Юнайтед"га ўтмасликка чорлади.
Англиялик собиқ футболчи агар Райснинг ўрнида бўлганида фаолиятини давом эттириш учун "Олд Траффорд"ни танламаган бўлишини айтиб ўтди.
«Агар мен Райснинг ўрнида бўлганимда, «Манчестер Юнайтед»га бормаган бўлардим. Мен бир неча йил кутаман ва тен Хагнинг аҳволини кўраман. Агар Эрик "Аякс"да амалга оширишга муваффақ бўлган ғояларини клубга олиб кела олса, "Манчестер Юнайтед"га ўтиш яхши вариант бўларди. Акс ҳолда, бу клубга ўтиш ҳақида ўйламаган бўлардим», - деди Фердинанд The Sun билан суҳбатда.
Эслатиб ўтамиз, Антон Фердинанд "Манчестер Юнайтед"нинг собиқ ҳимоячиси Рио Фердинанднинг укаси ҳисобланади.
