"Барселона" ярим ҳимоячиси Рики Пуч сўнгги пайтларда камдан-кам майдонга тушаётганига қарамай, клубда қолмоқчи.
Пуч охирги марта 13 март куни захирадан майдонга тушди ва "Осасуна"га қарши ўйинда тахминан 20 дақиқа ўйнади. Бироқ, ўшандан бери у кетма-кет тўққизта ўйинда майдонга тушмади.
- "Барселона" менинг жамоам ва менинг шаҳрим. Менинг барча қариндошларим шу ерда, мен ҳам бу ерда муваффақиятга эришмоқчиман”, - деди Пуч Испаниянинг El Mundo Deportivo нашрига берган интервьюсида.
Пуч 2018 йилдан буён “Барселона” сафида тўп суради ва жорий мавсумда 11 та ўйинда майдонга тушиб, 1 та гол урди.
