"Манчестер Юнайтед"нинг ёш ҳужумчиси Энтони Эланга журналистларга жамоадоши Криштиану Роналду ҳақида гапирди.
Эланга португалиялик футболчи чўққига чиқиш учун нима қилиш кераклигини жуда яхши билишини айтди. Ёш ҳужумчи Криштиану билан имкон қадар тез-тез мулоқот қилишга ҳаракат қилишини, ундан маслаҳат сўрашини ва ҳамма нарсада юлдуз жамоадоши билан тенглашишга ҳаракат қилишини таъкидлади. Энтони шундай инсоннинг жамоада бўлиши жуда муҳимлигини қўшимча қилди.
Эслатиб ўтамиз, жорий мавсумда Криштиану Роналду АПЛда 28 та учрашув ўтказиб, 17 та гол ва 3 та голга ассистентлик қилган.
