"Manchester Yunayted"ning yosh hujumchisi Entoni Elanga jurnalistlarga jamoadoshi Krishtianu Ronaldu haqida gapirdi.

Elanga portugaliyalik futbolchi cho‘qqiga chiqish uchun nima qilish kerakligini juda yaxshi bilishini aytdi. Yosh hujumchi Krishtianu bilan imkon qadar tez-tez muloqot qilishga harakat qilishini, undan maslahat so‘rashini va hamma narsada yulduz jamoadoshi bilan tenglashishga harakat qilishini ta’kidladi. Entoni shunday insonning jamoada bo‘lishi juda muhimligini qo‘shimcha qildi.

Eslatib o‘tamiz, joriy mavsumda Krishtianu Ronaldu APLda 28 ta uchrashuv o‘tkazib, 17 ta gol va 3 ta golga assistentlik qilgan.