"Барселона" ярим ҳимоячиси Гави Ла Лига 34-тури доирасида бўлиб ўтган "Мальорка"га қарши ўйин (2:1) ҳақида гапирди.
"Ғалаба муҳим эди. Умид қиламизки, бу ўйинимиз билан қолган учрашувларда ҳам муваффақият қозонамиз. Бизнинг мақсадимиз лигада ғалаба қозониш эди, лекин ундай бўлмади ва энди иккинчи бўлиш шарт.
Мураббий бизга жуда катта мотивация беради ва биз мавсум охиригача яхшиланишда давом этишимиз керак.
Мавсум бошидан бери кўп нарсаларни ўргандим ва менинг мақсадим кундан-кунга янада яхшиланиш. Мураббий айтганини бажаришга ҳаракат қиламан ва бу менга катта ёрдам беради", - деди 17 ёшли испаниялик ярим ҳимоячи.
