"Бавария" фахрий президенти Ули Хёнес ҳужумчи Роберт Левандовски жамоада қолишига ишонмоқда.
"Робертнинг кейинги мавсумда "Бавария"да ўйнашига 100 фоиз ишонаман. Унинг шартномаси 2023 йилгача мўлжалланган. Мен узайтирилишини истардим, буни бир неча бор айтганман. Бу менинг нуқтаи назарим", - деди Хёнесс.
Олдинроқ "Бавария"да бир қатор молиявий муаммолар борлиги, шу боис клуб футболчининг маошини ошира олмаслиги ҳақида хабар берилганди.
Левандовски "Бавария"да 2014 йилдан бери ўйнайди. 2021/22 йилги мавсумда ҳужумчи жамоаси сафида 43 та ўйинда майдонга тушиб, 48 та гол урди ва 6 та голли узатмани амалга оширди.
