«Интер» ўз ҳужумчиси Лаутаро Мартинеснинг сотилишини истамаяпти. Клуб футболчини таркибда сақлаб қолиш ва Ромелу Лукаку ва Ашраф Хакимий воқеаларини такрорламасликка қарор қилган.

Мартинесга АПЛнинг бир қанча клублари қизиқиш билдирмоқда. Бироқ, итальян клуби футболчини кейинги мавсумда ҳам ўз таркибида сақлаб қолмоқчи, дея хабар беради La Gazzetta dello Sport. Миланликлар молиявий ҳолат сабаб ўз юлдузларини сотишни хоҳламаяпти, дейилади хабарда.

Яқинда Аргентина терма жамоаси футболчиси билан 2026 йилгача шартнома узайтирилди.

Жорий мавсумда футболчи А серияда 32 та ўйинда майдонга тушиб, 17 та гол ва 3 та голга ассистентлик қилди.