Футбол мутахассиси Гари Невилл «Реал»ни хавфли йиртқичга қиёслади ва «Манчестер Сити» бош мураббийи бундан эҳтиёт бўлиши кераклигини айтди.

«Реал Мадрид» аллақачон бир неча бор жар ёқасидан қайтди. Улар «ПСЖ» ва «Челси»га қарши ўйинларда вазиятни ўзи томонга ўнглаб олди. «Сити»га қарши ўйинда ҳам салкам буни исботлади. Улар сабр қилиб, давом этишди. Гвардиола эҳтиёткор бўлиши керак», - деди Невилл.

Унинг қўшимча қилишича, «Реал Мадрид» керакли вазиятларда қандай қилиб ўйинини ўзгартиришни ва таслим бўлишни билмайдиган хавфли йиртқичга айланади.

«Реал» ва «Сити» ўртасидаги жавоб учрашуви бугун Мадридда бўлиб ўтади.