«Ливерпуль» ярим ҳимоячиси Тьяго Алькантара Кларенс Зеедорфнинг натижасини такрорлаши мумкин. Голландиялик футболчи уч хил жамоа билан Чемпионлар лигасида ғолиб чиққан - 1995 йилда «Аякс», 1998 йилда «Реал» ва 2003 ва 2007 йилларда «Милан» билан.
Агар «Ливерпуль» бу мавсум финалида ғалаба қозонса, Алькантара бу ютуғини такрорлайди. Футболчи 2011 йилда «Барселона» ва 2020 йилда «Бавария» билан асосий еврокубокдаги ғалабасини нишонлаганди.
«Ливерпуль» «Вильярреал»ни умумий 5:2 ҳисобида мағлуб этиб, финалга йўл олди. Англия клубининг рақиби «Реал» – «Манчестер Сити» жуфтлигида аниқланади.
