“Барселона”ни тарк этган Пеп Гвардиола “Кам Ноу”даги сўнгги учрашувдан сўнг, футбочлилар ва мухлисларга қарата нималар дегани кўпчиликка қизиқ бўлса керак.

“Мен хаётимда катта совға олдим. Бу совға беш йил давомида мен билан бирга бўлди. Бу мана шу йиллар давомида сизлар намойиш қилган ажойиб ўйиндир. Йўқ, мен мана шу ердаги ҳеч кимдан устун эмасман. Сизлар ажойиб ўйин кўрсатдинглар. Сизлар ажойиб шаклда қўллаб қувватладинглар. Ушбу ғалабаларга қўшган хиссам мана бу мухлисларникидан кўп эмас. Шунчаки, мен майдонга, футболчиларга яқинроқ бўлгандирман, шу холос.

Биласизми, сизларни жуда соғинаман. Ушбу айрилиқдан сиз эмас, мен кўпроқ нарса йўқотаётганимни биламан. Мен хотиржамман, сабаби, сизларни яхши қўлларга топшириб кетяпман. Мен бироз дам олишим кераклигини, эгнимни қисиб турган либосимни бироз бўшатишим лозимлигини англадим. Лекин сизларнинг бўшашишга ҳақларинг йўқ. Чунки бу клуб доимо мана шу билан яшайди, бошқача бўлиши мумкин эмас. Мен эса доимо сизлар билан биргаман”