"Челси" ҳужумчиси Ромелу Лукаку "Реал"да ўйнашни орзу қилади, дея хабар беради Defensa Central.

Манбага кўра, "қаймоқранглилар" бельгиялик футболчини ўз сафига ўтиши мумкин. Аммо клуб раҳбарияти Ромелу борасида якуний қарорни қабул қилмаган.

Аввалроқ, Лукаку ёзда Англияни тарк этмоқчилиги, унга "Интер" ва "Милан" клублари қизиқаётгани ҳақида хабар берилганди.

28 ёшли футболчи жорий мавсум “Челси” сафида барча турнирлар доирасида 40 та ўйинда майдонга тушиб, 12 та гол ва 2 та голли узатмани амалга оширди.