"Манчестер Сити" ярим ҳимоячиси Фернандиньони қўлга киритиш учун учта клуб кураш олиб бормоқда.
37 ёшли бразилиялик футболчи мавсум охирида "Манчестер Сити"ни текинга тарк этади, чунки у "шаҳарликлар" билан шартномасини узайтирмасликка қарор қилган.
Бразилияга қайтишга тайёрлигини билдирган ҳимоячи аллақачон учта клубдан таклиф олган, дея хабар беради журналист Николо Скира. Футболчига даъвогарлардан бири маълум - "Атлетико Паранаэнсе" бўлиб, Фернандиньо фаолиятининг бошида ушбу клуб шарафини ҳимоя қилган. Бразилия клуби ўз академияси тарбияланувчисига икки йиллик шартнома таклиф қилди.
Фернандиньо жорий мавсум “Манчестер Сити” сафида барча турнирлар доирасида 29 та ўйинда майдонга тушиб, 2 та гол ва 2 та голли узатмага муаллифлик қилган.
