Ўзбекистон Профессионал футбол лигаси одатга кўра, ҳар ой Суперлиганинг энг яхши мураббийи ва футболчиси, шунингдек, энг чиройли голини аниқлаб келмоқда. Ортда қолган апрель ойида Суперлигада 2 та тур учрашувлари бўлиб ўтди. Мазкур беллашувлар давомида кўплаб футболчи ва мураббийлар ўзларини кўрсатишга эришди.

Апрель ойининг энг яхши мураббийи бўлиш учун номзодлар

Улуғбек Бақоев (“Сўғдиёна”) – 2 ўйин, 1 ғалаба, 1 дуранг, тўплар фарқи 3:2

Миржалол Қосимов (АГМК) – 2 ўйин, 2 ғалаба, тўплар фарқи 5:1

Никола Лазаревич (“Қизилқум”) – 2 ўйин, 2 ғалаба, тўплар фарқи 4:0

Шуҳрат Мақсудов (“Бунёдкор”) – 2 ўйин, 2 ғалаба, тўплар фарқи 5:2

Апрель ойининг энг яхши футболчиси бўлиш учун номзодлар

Игнатий Нестеров (“Қизилқум”) — 2 ўйин, 2 қуруқ ўйин, 4 сейв

Авазбек Ўлмасалиев (“Бунёдкор”) — 2 ўйин, 1 гол, 2 ассист, 12 яккакурашларда ғолиб, 36 маротаба тўпга эга чиқишлар (подборы)

Йован Жокич (“Навбаҳор”) — 2 ўйин, 99 аниқ узатмалар, 11 яккакурашларда ғолиб, 10 маротаба рақиб ҳужумини бузишлар (перехваты)

Темурхўжа Абдуҳолиқов (“Қизилқум”) — 2 ўйин, 2 гол

Александр Станисавлевич (“Қизилқум”) — 2 ўйин, 1 гол, 1 ассист

Саҳоб Рашидов (“Динамо”) — 2 ўйин, 2 гол

Шоҳруз Норхонов (“Сўғдиёна”) — 2 ўйин, 2 гол

Умарали Раҳмоналиев (“Бунёдкор”) — 2 ўйин, 2 гол, 67 аниқ узатмалар, 13 маротаба тўпга эга чиқишлар (подборы)

Апрель ойининг энг чиройли голига номзодлар

Санжар Турсунов (АГМК – “Қўқон-1912” учрашувида киритган голи)

Санжар Шоаҳмедов (“Олимпик” – “Қизилқум” учрашувида киритган голи)

Дониёр Абдуманнопов (“Навбаҳор” – “Сўғдиёна” учрашувида киритган голи)

Александар Ешич (“Нефтчи” – “Бунёдкор” учрашувида киритган голи)

Францис Нарх (“Нефтчи” – “Бунёдкор” учрашувида киритган голи)

Умарали Раҳмоналиев (“Нефтчи” – “Бунёдкор” учрашувида киритган голи)

Драган Черан (“Пахтакор” – “Навбаҳор” учрашувида киритган голи)

Эслатиб ўтамиз, овоз бериш жараёнида Суперлига клублари бош мураббийлари ва сардорлари ҳамда мухлислар иштирок этишади. Суперлиганинг 14 клуби бош мураббийлари ҳамда сардорлари кўрсатилган номзодларни учталикка жойлаштириб чиқади.

Шунингдек, бу йилдан эътиборан ЎзПФЛ ушбу овоз бериш жараёнида championat.asia, sports.uz, tribuna.uz, stadion.uz нашрлари ҳамда Суперлигаси расмий бродкастери ҳисобланган SPORT TV дан ҳам овозлар олади.

Дастлабки ўринда кўрсатилган номзод 3, мос равишда кейинги икки ўриндагилар 2 ва 1 очколик бўлади. ЎзПФЛ томонидан футбол мухлислари ўртасида ўтказилган сўровнома натижаси эса бош мураббийлар, жамоа сардорлари ҳамда спорт нашрлари ўртасида ўтказилган сўровнома натижаларига қўшилади. Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади. Якунда энг кўп балл тўплаганлар ойнинг энг яхшилари сифатида эътироф этилади.