Лондоннинг "Тоттенҳэм" клуби ярим ҳимоячиси, Англия терма жамоасини сардор сифатида ммайдонга бошлаб тушаётган Скот Паркер товонидан олган жароаҳти туфайли ЕВРО-2012ни ўтказиб юбориши мумкин, дейди The Guardian.
Жон Терридан сардорлик боғичи тортиб олингач, терма жамоа сардорлик боғичи айнан Скот Паркерга топширилган эди.
Кутилаётган европа чемпионатида ҳам, айнан Паркернинг жамоа сардори сифатида майдонга тушиши деярли аниқ эди. Аммо сўнгги олинган маълумотларга қараганда, "Тоттенҳэм" футболчиси апрель ойида премьер-лига ўйинларидан бирида ортттириб олган жароҳатидан фориғ бўла олмаяпти.
Бу эса терма жамоа олдида яна бир муаммо пайдо бўлишига олиб келиши мумкин. Жамоа бош мураббийи Рой Хожсон 16 май куни Англия терма жамоасининг кенгайтирилган таркибини эълон қилиши керак. Агар ўша кунгача уни кўздан кечираётган врачлар аниқ ташҳис қўя олишмаса, жамоа сардори ЕВРО-2012 мусобақаларини ўтказиб юбориши ҳам мумкин.
Терма жамоа мураббийла штаби бу ҳолда, янги жамоа сардорини сайлашларига тўғри келади. Бу масала эса инглизлар учун анча муаммоли масала ҳисобланади.
