Лондоннинг "Челси" клуби ёзги трансфер ойнасида ўз қанот ҳимоячиси Маркос Алонсо билан хайрлашишга тайёр.

Журналист Фабрицио Романо берган маълумотларга кўра, "аристократлар" раҳбарияти 31 ёшли испаниялик футболчининг агентига агар Алонсо борасида яхши таклиф тушса, уни қўйиб юборишга тайёр эканлигини маълум қилган.

Аввалроқ унга "Атлетико" ва "Барселона"дан қизиқиш борлиги ҳақида хабарлар чиққан эди.

Қайд этиш жоиз Маркоснинг "Челси" билан амалдаги шартномаси 2023 йилнинг июнь ойи охирида якунига етади. Transfermarkt портали уни 15 миллион еврога баҳолаган.