Мадриднинг "Реал" клуби 16-май куни Кувайт терма жамоасига қарши кечадиган ўртоқлик ўйини учун миннатдорчилик сифатида 2,8 миллион евро олади, дея хабар беради Marca.
Мадриднинг "Реал" клубига ушбу маблағни Кувайт амири Сабах Ал Ахмад тўлаб беришни ўз бўйнига олди. Бундан ташқари "Реал" томонидан сафар давомида қилинадиган ҳаражатлар ҳам амир томонидан қопланади.
"Реал" ва Кувайт терма жамоалари ўртасида бўладиган ўйин чипталари 150 евродан то 500 еврога қадар бўлиши кўзда тутилган. Шу учрашувда иштирок этишлари лозим бўлгани сабабли, Германия терма жамоаси сафида тўп сурадиган ярим ҳимоячилар Сами Херида ва Месут Ўзиллар Европа чемпионати олдидан бошланадиган тайёргарлик жараёнига бироз кечроқ бориб қўшиладилар.
