"Наполи" ҳимоячиси Калиду Кулибали ёзда "Челси"га ўтиши мумкин. Футболчига "Барселона" ҳам қизиқиш билдирмоқда, бироқ ҳозирча Каталония клубида молиявий ҳолатлар яхши эмас.
Кулибалининг "Наполи" билан шартномаси 2023-йилда тугайди ва клуб 35 миллион еврога баҳоланган футболчини сотишга қарши эмас.
"Челси" трансфер ойнаси очилгандан сўнг марказий ҳимоячилар етишмаслигига дуч келади, сабаби Антонио Рюдигер ва Андреас Кристенсен клубни тарк этиши мумкин.
Кулибалининг агенти уни Премьер-лигага, хусусан, "Челси"га ўтиши мумкинлигига ишора қилди.
Жорий мавсумда ҳимоячи А Серияда 24 та ўйин ўтказиб, 3 та гол ва 2 та голли узатмани амалга оширди.
