"Манчестер Юнайтед" "Аякс" ярим ҳимоячиси Эдсон Альваресга қизиқиш билдирмоқда. Агар Френки де Йонгнинг трансфери амалга ошмаса, у ҳолда Альварес де Йонгга муқобил сифатида кўрилади.
Эрик тен Хаг шу ёзда “Манчестер Юнайтед” бош мураббийи лавозимини эгаллайди. Мутахассис таркибни сезиларли даражада янгилашни режалаштирмоқда. "Қизил иблислар"нинг асосий мақсадларидан бири "Барселона" ярим ҳимоячиси Френки де Йонгни сотиб олиш.
Бироқ, агар трансфер амалга ошмаса, инглиз клуби эътиборини "Аякс" футболчиси Эдсон Альваресга қаратади, деб хабар бермоқда Fichajes. Футболчининг нархи 30 миллион еврога баҳоланмоқда.
Жорий мавсумда футболчи Нидерландия чемпионатида 29 та ўйин ўтказиб, 3 та гол урди ва 1 та голли узатмани амалга оширди.
