"Манчестер Юнайтед" ярим ҳимоячиси Поль Погбанинг трансфери учун "Ювентус" ва "ПСЖ" клублари асосий даъвогарлардир. Журналист Николо Скиранинг сўзларига кўра, сўнгги кунларда Британия матбуотининг миш-мишларига қарамай, франциялик футболчи кейинги мавсумда "Манчестер Сити"да ўйнамайди.

Ҳозирда Погбанинг агентлари "Ювентус" ва "ПСЖ"дан таклиф олган. Бошқа клублар ҳозирча қизиқиш билдиришмаган. Франциялик футболчи келажаги борасида мавсум якунига қадар бир қарорга келиши керак.

Эслатиб ўтамиз, Погба яқинда жароҳати сабаб сафдан чиққан эди. Энди ярим ҳимоячи мавсумнинг қолган ўйинларини ўтказиб юборишга мажбур бўлади.