"Манчестер Юнайтед" собиқ посбони Томаш Кушчак "манкунианликлар"нинг собиқ форварди Уэйн Рунини жамоанинг бўлажак бош мураббийи сифатида кўрмоқда.
"Уэйн ақлли инсон ва у буни бошқаларга билдирмасликка ҳаракат қилади. Балки у одамларга ўз ишининг устаси сифатида кўринмагандир, кўп бора у танқид қилинди ҳам. Бироқ Уэйн - инглиз футболи афсонаси ва юқори даражадаги мураббий бўлиб етиша олади. У келажакда МЮнинг бош мураббийи бўлиши мумкин.
"Дерби Каунти"даги фаолияти унга жуда катта тажриба бўлди ва энди уни АПЛда кўришимиз керак. Яқин ўтмишда футболчи бўлган Лэмпард, Артета, Жеррард кабиларнинг мураббийлик фаолияти ҳам чакки эмас. Сульшер ҳам МЮда ўзини кўрсата олганди", - деди Кушчак.
