Жанубий Кореянинг “Поханг Стилерз” футбол клуби делегацияси кеча мамлакатимиз пойтахтига етиб келди. Бу ҳақда “Бунёдкор” расмий сайти хабар тарқатмоқда.
Меҳмонларни Тошкент халқаро аэропортида “Бунёдкор” ФКнинг масъул шахслари кутиб олишди.
Кореяликлар делегацияси 31 кишидан иборат. Шуларнинг 11 нафари клуб раҳбарияти ва мураббийлар штабини ташкил этади. Футболчилар сони 18 та. Яна шунингдек, делегация таркиби икки нафар журналист ҳам мавжуд.
“Поханг Стилерз” Тошкентга ўз таркибида мавжуд бўлган учта легионернинг атиги биттаси - Дерек Асамоа билангина ташриф буюрди. Сербиялик ҳимоячи Зоран Рендулич ва руминиялик ҳужумчи Ианис Зику юртимизга келган делегация рўйхатида йўқ.
Рақибларимиз “Dedeman Silk Road Tashkent” меҳмонхонасида истиқомат қилишмоқда.
