Англиянинг “Манчестер Сити” клуби ярим ҳимоячиси Жек Грилиш Премьер-лигадаги чемпионлик пойгаси ҳақида гапирди.

Грилишнинг таъкидлашича, у ҳақиқатан ҳам олтин медалларни қўлга киритишни хоҳлайди, аммо бунинг учун "Манчестер Сити" футболчилари бор кучларини сарф қилишлари ва қолган ўйинларда ғалаба қозонишлари керак. Ярим ҳимоячи “Ливерпул”да яна қоқилмаслиги мумкинлигини, "қизиллар"да ажойиб жамоа борлигини таъкидлади. Жек "шаҳарликлар" бу мавсумда ҳам чемпионликни қўлга киритишига умид билдирди.

Эслатиб ўтамиз, айни дамда Хосеп Гвардиола бошчилигидаги "Манчестер Сити" чемпионатда биринчи поғонани эгаллаб турибди. Фуқаролар “Ливерпул”дан уч очко олдинда.