"Манчестер Сити" Дортмунднинг «Боруссия» клуби ҳужумчиси Эрлинг Холанднинг трансфери учун 213 миллион фунт сарфламоқчи, дея хабар беради The Telegraph.
Манбага кўра, инглиз клуби 21 ёшли норвегияликни "Боруссия"дан шартномада кўрсатилган 64 миллион фунт стерлингга сотиб олиш бандини фаоллаштиради.
Қайд этилишича, ҳужумчи "Манчестер Сити" билан 5 йиллик шартнома имзолаб, 107 миллион фунт ишлаб топади.
Шу билан бирга, Холанд вакиллари ва агентлари 42 миллион фунтгача пул олишади.
Эслатиб ўтамиз, кеча, 9 май куни Дортмунд клуби рухсати билан Холанд шаҳарлик шифокорлар иштирокида Брюсселда тиббий кўрикдан ўтган эди. У "Боруссия"нинг бугунги машғулотларида иштирок этиши ва Бундеслиганинг сўнгги турида "Герта"га қарши ўйинда қатнашиши кутилмоқда.
Жорий мавсумда Холанд “Боруссия” сафида 29 та ўйинда 28 та гол урди ва 7 та голли узатмани амалга оширди.
