"Manchester Siti" Dortmundning «Borussiya» klubi hujumchisi Erling Xolandning transferi uchun 213 million funt sarflamoqchi, deya xabar beradi The Telegraph.

Manbaga ko‘ra, ingliz klubi 21 yoshli norvegiyalikni "Borussiya"dan shartnomada ko‘rsatilgan 64 million funt sterlingga sotib olish bandini faollashtiradi.

Qayd etilishicha, hujumchi "Manchester Siti" bilan 5 yillik shartnoma imzolab, 107 million funt ishlab topadi.

Shu bilan birga, Xoland vakillari va agentlari 42 million funtgacha pul olishadi.

Eslatib o‘tamiz, kecha, 9 may kuni Dortmund klubi ruxsati bilan Xoland shaharlik shifokorlar ishtirokida Bryusselda tibbiy ko‘rikdan o‘tgan edi. U "Borussiya"ning bugungi mashg‘ulotlarida ishtirok etishi va Bundesliganing so‘nggi turida "Gerta"ga qarshi o‘yinda qatnashishi kutilmoqda.

Joriy mavsumda Xoland “Borussiya” safida 29 ta o‘yinda 28 ta gol urdi va 7 ta golli uzatmani amalga oshirdi.