"РБ Лейпциг" ярим ҳимоячиси Кристофер Нкунку ёзда АПЛ клубига ўтиши мумкин. Франциялик футболчининг хизматларига Лондоннинг "Челси" ва "Манчестер Юнайтед" клублари қизиқиш билдирмоқда.
Sky Germany нашри хабарига кўра, иккала инглиз клуби ҳам футболчини ёзда жамоага таклиф қилиш ниятида. Вазиятни мураккаблаштиргани шундаки, Нкункунинг “РБ Лейпциг” билан шартномасида белгиланган трансфер суммаси мавжуд эмас.
Нкунку жорий мавсум лигада 20 та гол урди. Олдинроқ "РБ Лейпциг" спорт директори катта таклифлар бўлишига қарамай, футболчи ёзда немис клубини тарк этмаслигини айтганди.
