Мадриднинг “Реал” клуби раҳбарлари испаниялик ҳимоячи Начо Фернандеш билан шартномани узайтирмоқчи.
Маrcа нашрининг ёзишича, мадридликлар раҳбарияти 32 ёшли испаниялик футболчи билан шартномани узайтиришга тайёр. Начонинг "қироллик клуби" билан янги шартномаси 2024 йилнинг ёзига қадар амал қилади.
Эслатиб ўтамиз, ҳимоячининг “Реал” билан амалдаги шартномаси 2023-йилнинг июнида тугайди. Начо бутун фаолиятини Мадрид жамоасида ўтказди.
Жорий мавсумда Начо Фернандеш “Реал” сафида Испания чемпионатида 25 та ўйинда майдонга тушиб, 3 та гол уришга эришди.
